Kamippannik mutinik takutitsineq iluatsilluartoq
Københavnimi sassaallerfiusartuni ornigarneqarluartartoq Halvandet inunnik ilisimaneqarluartunit ilaatigut nipilersortartunit Nik og Jay-ikkunnit najuuffigineqarpoq, Helene Steensbyp ukiaanerani 2008–mi ateraasassatut siunnersuutaanik takusaajartorlutik.
Assiliisartut tusaamasanik malinnaajuartartut aamma takutitsinermiipput, tamannalu kamippaarnianut iluaqutaaginnarpoq.
- Takutitsineq ingerlalluaqaaq, pisiniartartut takkussuuttut naammagisimaarpavut, Maja Palmvig, Helene Steensby-p pisiniarfiutaani tuniniaasartuusoq oqarpoq. Kamippannik ilusilersuisartut Steensbykkut Københavnimi pisiniarfiuteqartut katillutik arfineq pingasuupput.
Takutitisereernerillu tamaasa kamippannik pisiniartut amerleriartartut malugisarpaat. Steensbyp kamippaaatai Kalaallit Nunaanni illoqarfinni anginerni tallimani pisiarineqarsinnaapput.
Københavnimi mutinik saqqummersitsineq silami Kongens Nytorvimi takutitsinersuarmik naggaserneqarpoq.