Kallerup innera akitsussaaq
Polaroilip Nukissiorfimmut uuliamik tunisinermini akitsuinera atuisartut amerlanernik akiliisalernissaannut pissutaavoq.
Nuummi Sisimiunilu kallerup innera 9 ørinit 1,74 koruuninut akitsussaaq, taamaalilluni kallerup inneranik atuineq 1,74 koruunit akikinnerpaaffigilissavaa. Sumiiffinni allani 19 ørinik akitsuisoqassaaq.
Assigiinngitsumik akitsuineq pissuteqarpoq atuisartut akiviusoq tunngavigalugu akiliuteqassammata, akigitinneqartoq akilerneqartussaalluni. Nukissiorfiilli atuisartut akikinnerpaamik akisunerpaamillu akiliuteqartartarnissaaat killilersimavaat.
Atuinermi 1,74 koruunit akikinnerpaajulluni akikinnerpaaq 3,53 koruuniulluni.
Aalisakkerivinni kallerup inneranik atuineq immikkut akeqartinneqarpoq, akiviusup 41,5 procentianik akiliuteqartarlutik, akisunerpaamik akikinnerpaamillu akiuliutigineqartartup qeqqa tunngavigineqartarluni.
