Kallermik eqqortikkaluarami annattoq
Qujanaqaaq Kalaallit Nunaanni kallertarnera qaqutigoormat, USA-mi New Hampshiremiup 21-nik ukiullip, Jessica Lafenierep misigisaatut imaallaat misigisaqartoqarnerq ajorpoq.
Allattoq Elisa Isaksen
juulip 15-at 2008 10:45
Jessica kallermik eqqortikkami tupinnaannartumik annappoq. Nakorsat oqaasii naapertorlugit Jessica saviminermik qingarmioqarallartilluni kallerup qaratsaminut aallarnissaralua pinngitsoortippaa.
- Qummut qiviarama qaamanerujussuaq takullugulu qanngorpallarujussuarpoq. Anaanaa ingerlaqataasoq oqarpoq Jessica eqqortikkami qerattaannarsimasoq.
- Kiinaa tungujortuinnanngorluni qinngamigut aappoq, Jessicap arnaa oqaluttuarpoq.
Nivissap timaatigut kalleq aqqusaarami qarasaanut aamma aqqusaarnissaralua qingarmiuata pinngitsoortikkaa nakorsat oqaatigaat.
Svenskit aviisianni allaserineqartoq naapertorlugu Jessica qingarmioqarsimanngitsuuguni annassimanavianngikkaluarpoq.
