Kalaallit tunngaviusumik inatsisilioqataasinnaasapput

Namminersorneq anguneqareerpat Kalaallit Nunaat Namminersulivippat Kalaallit tunngaviusumik inatsisilioqataasinnaanissaat neriorsuutigineqarpoq.

Taamatullu neriorsuilluni oqarpoq Namminersorneq pillugu isumalioqatigiissitat allaffeqarfiata immikkoortortaqarfiani pisortaq Mininnguaq Kleist.

Kikkulliuna tunngaviusumik Inatsimmi inatsisilioqataanissaminnut pisinnaatitaaffeqartut?

- Kalaallit Nunaanni innuttaasut tamatta Danmarkip ataani innuttaasuuvugut, oqarsinnaavugut tamanna tunngavigissagipput. Danskit nunatsinnut nuussimasut soorlu ukiuni sisamani tallimaniluuniit najugaqarsimasut taakku peqataasinnaasapput, pissutigalugu nunarput nalunnginnamikku taamatullu oqaluttuarisaanerput nalunagu, Mininnguaq Kleist oqarpoq.

Mininnguaq Kleist nangilluni oqarpoq ataatsimiitialiarsuanngortussaq suliassarpassuaqartoq, innuttaasullu ilaatinneqarnissaat pingaartinneqartunuttaaq ilaasoq oqaatigalugu.

Ataatsimiititaliarineqartussami kattuffiit assigiinngitsut suleqataanissaat ilanngullugu oqaatigaa, taakkuussussaallutillu inunnut tusarniaasartussat oqallitsitisartussallu. Tassani oqallitsitsinerni ilaatigut inuit pisinnaatitaaffii oqaluuserineqartassasut Mininnguaq Kleistip oqaatigivaattaaq.