Kalaallit Taekwon-Dortartut guldinnapput
Angutinnguaq Tittusen, Europami pissartanngorniunnermi siullermeerluni guldinnappoq - ukiut siuliini arlalinnik sølvinnallunilu bronzinnattarnikulluni.
Taama oqaluttuarpoq Taekwon-Dortartut nunanut allanut unammisartuinut sungiusaasoq, Lauritz Heilmann. Lauritz Heilmann ukiormanna Europami pissartanngorniunnerup ulluani siullermi aamma guldinnappoq - Taekwon-Dorluni unammeriaatsimi tul-imi spaniamiumut ajugaagami. Lauritz Heilmann siorna aamma guldinnappoq.
Taekwon-Dorluni Europami pissartanngortarnerni Lauritz Heilmann arfineq marlussaa guldinnappoq.
Guldinnattut tassalu Angutinnguaq Tittusen aamma Laurtiz Heilmann, Taekwon-Dorluni Europami pissartanngorniunnermi unammeriaatsini arlalinni peqataassapput.