Kalaallit Taekwon-Do-rtartut EM-imi peqataassapput
Illoqarfiit pingaarnersaanni Tallinimi Europami pissartanngorniuttunut ilaassapput.
Helge Heilmann siullermeerluni nunarput sinnerlugu inersimasuni 1. dan-imi frikampimilu peqataassaaq. Helge siusinnerusukkut inuusuttuaqqat VM-erneranni normu 2-nngornikuuvoq siornalu Europamiut pissartanngorniunneranni frikampimi normu 2-julluni.
Anden dan-imi Johan Peter Halsøe peqataassaaq. Aamma taanna frikampimi unammeqataassaaq.
Tredje dan-imi Angutinnguaq Tittussen unammeqataassaaq. Taanna ukiuni arlaqalersuni nunanut allanut unammisartuni ilaasarpoq ukiormannalu tul-imi, frikampimi qarmasissianillu aserueriarluni unamminermi peqataassaaq. Angutinnguaq ukioq manna siusinnerusukkut Nunat Avannarliit Finlandimi unammersuarneranni unammilluarnerpaatut toqqarneqarpoq, tassa sisamanik kuultinnakkami ataatsimillu sølvinnalluni.
Inuusuttuaqqani nunanut allanut unammeqataasussaq ataasiinnaavoq, tassaasoq Steen Rasmussen 1. dan-imi frikampimilu unammeqataasussaq.