Kalaallit sumit kingoqqisuunersut paasiniaaffigineqarpoq
Kalaallit Nunaat ukiut kingulliit 5000-it ingerlaneranni Issittup ilaaniit Europamiillu arlaleriarluni innuttarsimavoq. Qallunaat ilisimatuutut allaatigisaata nutaap misissuiffigaa, Nunatta taama arlaleriarluni innuttarsimanera ullumikkut inuup sananeqaataanut kingornuttakkamut qanoq sunniuteqarsimanersoq paasiniarlugu.
Allattoq Niels Krogh Søndergaard
januaarip 02-at 2015 14:13
Nutserisoq Erna Lynge
Københavnip Ilisimatusarfiani ilisimatusartut, Steno Diabetes Center kiisalu Statens Institut for folkesundhed, ilisimatuussutsikkut allaatigisaq American Journal of Human Genetics aqqutigalugu allaatigisaq saqqumiuteqqammerpaat.
Nunatta inuisa 10 procentii tunngavigalugit ilisimatusartut paasisimavaat, innuttaasut 75 procentiisa sananeqaataat kingornuttakkat naggueqatigiit inunneersut, 25 procentillu eurpamiuneersut.
Kalaallit Nunaanni sumiiffiit assigiinngitsut akornanni assigiinngiiaartiterput. Assersuutigalugu Tasiilami innuttaasut amerlanerit europamiunik siuleqanngillat, kitaamiulli tamarluinnangajammik naggueqatigiinnik inunnik europamiunillu kingoqqisuusut, allaatigisamut akisussaasuusoq Ida Moltke nassuiaavoq.
