Kalaallit savalimmiormiullu imarsiortutut sakkutuujunissartik soqutigeqaat
Sakkutuut imarsiortut kalaallinik savalimmiormiunillu inuusuttunik imarsiortunik sakkutuunngortitsiniarlutik imminnut nittarsaannerat iluatsilluarsimagunarpoq.
aggustip 05-at 2007 13:24
-Ilimagisatsinnit iluatsitsilluarneruvugut, Sorsuutit umiarsualivianni Frederikshavnimiittumi inuttaqarniarnikkut pisortaq, premierløjtnant Maria Martens, aviisimut Nordjyske-mut oqarpoq.
Inuusuttut imarsiortutut sakkutuunngorusullutik takkuttut tamangajalluinnarmik imarsiortutut sakkutuujuneq pillugu ilisimasaqanngilluinnarsimapput, Maria Martens oqaluttuarpoq.
Inuusuttuaqqat 10.klassineersut ilinniagaqarniartullu pissarsiarinissaat siunertarineqarsimavoq.
Kalaallit Nunaanneersut amerlanerpaasimapput, tassami ”Triton”-imut ”Hvidbjørn”-imullu ikinissaminnik soqutiginnittut 1.070-it takkussimapput, savalimmiormiullu 529-t takkussimallutik.
Imarsiortutut sakkutuujuneq pillugu Kalaallit Nunaanni Savalimmiunilu ukiaru nittarsaassisoqassaaq.
