Kalaallit saliinialeqaat
Aaqqissuussineq Saligaatsoq 2011 aallarnerfigalugu ukiut tamaasa ingerlanneqartalersumi peqataasartut amerliartuinnavipput. Saligaatsoq-mik aaqqissuussisarneq sualummik Nuummi Sisimiunilu inunnit akuuffigineqartaqaaq, illoqarfiilli amerliartuinnartut assigusumik aaqqissussisalersimallutittaaq.
Ukioq manna Saligaatsup Nuummi ingerlanneqarnissaa aallarnerlugu Blok P-p toqqavigisimasaani saqqummersitsisoqassaaq. Sisimiunilu aaqqissuussineq kultoorikkut illorsuup Taseraliup silataani aallarnerneqassalluni.
Nunatsinni suliffeqarfissuit ingerlatsiviillu allat, soorlu Namminersorlutik Oqartussat, Kommuunit, CSR kiisalu Kalaallit Nunaanni Sulititsisut peqatigiiffiat GA suleqatigiinnerisigut Saligaatsumik aaqqissuussisarnerit ingerlanneqartarput. Tassa silami saliinersuup saniatigut Saligaatsumik aaqqissuussisartut avatagiisinut tunngassuteqartunik suliffeqarfinnik pikkorissaasarput, atuartunik ilinniartitsisarlutik, kiisalu avatagiisinut eqqummaarissuunissaq pillugu pikkorissaasarlutik.
Naalagaaffiit Peqatigiit avatagiisit pillugit ukioq manna ullorititaani nerisassanik asiutitsisuuginnartarneq qulequtarissavaa, suliffeqarfiillu nerisassanik asiutsisannginnissaat qanoq anguniarsinnaanerannut suliniaqatigiiffik CSR arlalinnik innersuusiorsimalluni.
