Kalaallit rockertartut Ålborgilialersut

Kommuneqarfik Sermersuup aaqqissugaanik siorna "Meeqqanut inuusuttunullu nipilersornermik unammasitsisoqarnerani" ajugaasunut pinnattaassaaq tassaavoq Ålborgimi Ungdomsringens Musikfestivalimi peqataanissaq. Ajugaasullu tassaapput nipilersoqatigiit rockertartut pikkorissut Rockstones, taakkulu sapaatip akunnerata tulliani Ålborgiliassapput.
Allattoq Peter Troelsen, Simon Uldum
januaarip 09-at 2013 07:31

NUIF kommuni sinnerlugu unammisitsinermik aaqqissuisuuvoq, Rockstonesikkullu Ålborgimut aallannginnerini tusarnaariarnissaannut NUIF-ip innuttaasut immikkut ittumik periarfissikkusuppai. Tamannalu NUIF-imi januaarip aqqarnani pissaaq. Inuusuttut rockimik nipilersortartut Ålborgimi nipilersugassatik nal. 20.00-mit tusarnaartitsissutigissavaat.

-Qilanaaqaagut pissangaammerniartarlutalu. Musikfestivalen 2013-imi Danmarkimi inuusuttunut nipilersornissatsinnut qilanaaqaagut sungiusaqattaarlutalu, Ilannguaq Kristiansen Rockstonesimeersoq oqarpoq. Npilersoqatigisai tassaapput Samuel Egede, Dino Petersen, Johan Iversen aamma Kim Heilmann.

Rockstones Danmarkimut januaarip 15-iani aallasspput, Ungdomsringens Musikfestivalilu Ålborg Kongres og Kulturcenterimi sapaatit akunnerisa naanerani 18 – 19. januaarimi ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq