Kalaallit qinikkat iliuuseqannginnerarpaat

Kalaallit Nunaanni Naalakkersuisut sooruna iliuuseqarnianngitsut? Kalaallit meerartaat pillugit ullumi Folketingimi oqalittoqarnerani apeqqut taanna uteqqiaffigineqarpoq.

Nunatta Inatsisartuini ilasortat IAmeersut Demokratineersullu kalaallit meerartaasa atugaannik pitsanngorsaaniarlutik suliniuteqarsimanerinik Enhedslisteniit Dansk Folkepartiimut nersorniarneqarput. Nunattali Naalakkersuisui unnerluutigineqarput akisussaassusermik tigusiumanngitsutut. Juliane Henningsenillu pissutissaqarluarnerarpaa:

- Paasisissinnaalluarpara. Meeqqat atugaat pillugit 2007-imili kisitsisit saqqummermata piffissami ungasinnerusumi suleriaasissanik maqaasisaqarsimavugut, maannamullu suli takusaqarata.

Meeqqat atugaasa pitsanngortinnissaanut illuatungiliuttuusugut siunnersuuteqartaraluarnivut, naligiinnerusumillu inuuneqalernissaq anguniarlugu isertitaqqussuseq tunngavigalugu akileraartalernissamik siunnersuuterput sooq pinerpoq amerlanerussuteqartunit itigartitsissutigineqarput.

Isumaqartuarsinnarpunga ungasinnerusoq eqqarsaatigalugu suleriaasissamik amigaateqartugut.

Lars-Emililu ima oqarpoq:

- Namminersornerullutik Oqartussat aningaasartuutaasa 22 %-ii, kommunillu aningaasartuutaasa 45 %-ii ilaqutariinnut, inunnillu isumaginninnernut atorneqartarput, taakkununngalu ilaapput meeqqanut inuusuttuaqqanullu suliniutinut aningaasartuutit.Taamaattumik qanoq iliuuseqartoqarsimannginneraaneq tunngavissaqanngilaq. Nassuerutigissavarali suli annertunerusumik iliuuseqartoqartariaqarnera.

Taamaammat ingutseqattaaginnarata pimoorullugu suliniutinik marlunnik nunatta Danmarkillu suleqatigiissutigisinnaasaannik siunnersuuteqarpunga.

Siullertut siunnersuutigaara imerajuttuunermi ikiaroorajuttuunermilu akornutigilersimasat annertuumik katsorsaaviginissaat. Aappaatut siunnersuutigaara Amarngivattut, Mælkebøttenitulli siunertalinnik pilersitsiortornissaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat