Kalaallit qimaasutut pineqartariaqarput

Kalaallit Danmarkimut nuuttartut, nunanit allanit qimaasutuulli pineqartariaqartut, danmarkimi socialrådgiverforeningi isumaqarpoq, taama metroXpress allappoq.

Kalaallit Danskit naalagaaffiata ataaniikkaluartut, danskit kultooriat oqaasiilu ilisimarpiarneq ajorpaat.

- Danskit passianik peqaraluarput, eqqarsaatigineqarnerli ajorpoq, ikiortariaasut. Kalaalit amerlasuut imerajuttuullutillu angerlarsimaffeqanngitsuusarput, inuiaqatigiinnilu pissutsit paasiuminaatsittarpaat, taamaammallu misigissutsiminnik aniatitsisinnaanertik ajornakusoortittarlugu, Københavnimi kalaallit illuanni inunnik isumaginninnermik sulialik, Johan kleist taama oqarpoq.

Qimaasut assigalugit, danskit oqaasiinik kalallit ilinniartinneqartarnissaat, aamma Johan Kleistip pisariaqarnerarpaa.

Inunnilli isumaginninneq pillugu Konservativini oqaaseqartinneqartartoq, Tom Behnke isumaqarpoq, kalaallit danmarkimiittut immikkut pineqartariaqanngitsut, oqaatsinillu ilinniartitsinerup Kalaallit Nunaanni pitsaanerulernissaa anguniarneqaqquaa.