Kalaallit Puerto Ricomeersunut ajugaapput

Kalaallit nivissat assammik arsartartut ullumi Argentinami unammeqattaarneri, U-20-mik taaneqartartut aallartimmata, kalaallit Puerto Rico-meersunut unammigamik 34-26-mik ajugaapput.
Allattoq Louise M. Kleemann
marsip 11-at 2008 13:12

Arsartut ittuat, Michael Mulvad, Buenos Airesimiit oqaluttuarpoq kalaallit nivissat annilaangasunnguamik aallartikkaluariarlutik arsarnnerup affaa siulleq naammassimmat 18-11-mik siuaqqasimasut.

Arsarnerup affaani kingullermi Puerto Ricomeersut aallartilluarnerugaluariarlutik kalaallit torrallaallutik paarlaateqattaarnermikkut 34-26-mik ajugaasut.

Line Thomsen isertitaqarnerpaajulluni arfineq marlunnik isertitsivoq, Aviaja Heilmannilu måliniilluarsimanerarpaat. Michael Mulvadilli arsartut tamaasa arsarluarsimammata nersualaarpai.

Mulvadi aamma oqaluttuarpoq unammiartortut Argentinami aaqqissuisunit, unammiartortunillu allanit ilassilluarneqarsimasut. Amerikap nunavittaani assammik arsartartut kattuffiata kalaallit Argentinami unammeqataanissaata pinngitsoortingajakkaluarnerat malugineqarsimanngilaq.

Kalaallit nivissat aqagu Uruguayermiut unammissavaat brasiliamiunullu sisamanngorpat pissanganaqisumik unammissallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq