Kalaallit piannik aningaaseriveqalissaagut

Kalallit Nunaata nammineq pigisaminik aningaaseriveqalernissaa inatsisartuni Siumup ilaasortaatitaasa siunnersuutigaat.

Siumup inatsisartuni gruppia aningaaseriviliornissamik siunnersuuteqarpoq, isumaqarami Kalallit Nunaanni sumi najugaqarneq apeqqutaatillugu aningaaseriviit pioreersut kiffartuussisartut.

Grønlandsbanken aamma Sparbank Vest Grønland atorluarneqarput ! Aningaaserivimmi pilersinneqartussami kissaatigineqarpoq, Kalaallit Nunaanni innuttaasut tamarmik naligiimmik kiffartuunneqarnissaat pisariaqartinneqartoq. Naligiimmik periarfissiinissaq angorusunneqarpoq. Aningaaserivinni atuisut illoqarfinni angisuumiinngikkaangamik kiffartuunneqartarnerminni akimmisaarfigineqartarnerat naammagittaalliuutigineqartartoq, Ruth Heilmann oqarpoq. Namminersornerullutik Oqartussat Selskabii Kommunillu annertuunik aningaaserivinni kaaviiartitaqarput, taakkualu nunatta aningaaserivissaannik ingerlatseqataanissaminnut periarfissaqassapput, Ruth Heilmann oqarpoq.

Inatsisartuni aningaasaqarneq pillugu Siumup oqaaseqartartua Ruth Heilmann ilanngullugu oqarpoq,

Kalaallit Nunaat tamakkiisumik pigisaminik aningaaseriveqartuuppat, nunani allamiut aningaaserivimmik atuisoorusullutik soqutiginnittarsimagaluartut.