Folketingimi sulisut politikkerillu sutorniartarfianni allanngortoqarpoq.
Atlantikup avannaaneersut suleqatigiiffiata suliniuteqarneratigut imeruersaatinut nillataartitsivimmi nutaartaqalersoq, AG-mi allaaserineqarpoq.
Nutaarsiassat tassaapput immiaaqqat nunatsinneersut Narsamilu immiorfeeqqamiit Greenland Brewhousemeersut.
Aviisimi allaaserineqarpoq atlantikup avannaani suleqatigiiffianneersut erseqqissaasimasut nersortarialimmik suliniuteqarsimanerminnut procentinik pingaartumik aningaasanik pissarsinaviaratik.