Kalaallit Nunaata X-factorimut periarfissatuaa Danmarkiliarpoq

Miki Fencker Thomsenip X-factorimit aninerata kingorna Kalaallit Nunaata DR-ip X-factorianut periarfissatuariligaa manna Danmarkiliarluni aallarpoq. 24-inik ukiulik Kristine Thomsen ataasinngorpat erinarsorluni misilitserngaartussaq namminiunissaminik pingaartitsivoq.

-Uanga nammineq nuannarisara atussavara, nammineq erinarsortariaasera. Allat nuannarisaannik ingasattajaartumik takorloorusussinnaasaannillu iliuuseqarnissara takorluunngilara. Uangaassusera dommerinut takutissavara.

Kristine Thomsen taama oqarpoq, ilanngullugu oqaatigaa Jazzimik nipilersuusiaq Nature Boy misilitsinnermini siullermi erinarsussallugu.

X-factoritut unammisitsisarneq Tuluit Nunaanni aallartinneqarpoq. Europa tamaat tv-kut piginnaanermik unammiuaarnerusumik ineriartortinneqarpoq. taama dr.dk allappoq.

Misilitsinnissani siulleq qanoq takorloorpiuk?

-Ulloq siulleq misilitseqqaarnissarput qasunarnerussangatippara, inuppassuusussaagatta taamaaammat piareersarpunga. Utaqqinissaq naatsorsuutigaara, misilitseqqaarnissatsinni ingerlaqqissinnaaneq ilimagaara, Kristine Thomsen taama naggasiivoq.

Mike Fenker Thomsen Sofa aappalaartumi aallakaatitassiortarnikoq marlunngormat misilitsivinnermi kingorna ingerlaqqinngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat