KNR Kalaallit Nunaata Radioa aallakaatitsinissamut akuersissummik peqarpoq
”Taamatut allattarnerit ilumuunngillat. KNR tv-kut radiokkullu aallakaatitsinissamut akuersissutinik peqarpoq aammalu taamaaliorsinnaatitaavoq”, taama KNR-ip direktøria Søren Lennert Mortensen oqarpoq.
Inuusuttunut aallakaatitsiffiusup kanalip ingerlanera eqqarsaatigalugu ilumoorpoq FM-koortumik akuersissummik maannamut amigaateqarsimanerput. Matumani eqqarsaatigineqarpoq frekvensi 105 MHz,tassa Voice of Greenlandip aallakaatitsinermini frekvensi atortagaa.
Voice of Greenlandip KNR-mut tunineqarneranut atatillugu frekvensikkut tassuuna aallakaatitsisinnaanermut akuersissut nutarterneqartussaavoq, tassa akuersissummik nutaamik piniartariaqartussaavugut, tassami frekvensi taanna imaasiinnarlugu uagut atulersinnaanngilarput. Pilersaarusiornerup ingerlanerani KNR-ip Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik attavigiuarsimavaa aammalumi Radionik Aqutsisoqarfik attavigineqarsimavoq, ullumerpiarlu frekvensikkut tassuuna aallakaatitsisinnaanerput akuerineqarpoq.” taama direktør Søren Lennert Mortensen nassuiaavoq.
Inuusuttut eqqumaffigineqarnerunissaat pisariaqarpoq.
KNR-ip inuusuttunut kanaliata nutaap siunertaraa nipilersuutinik, nalunaaquttap akunnikkaarlugit nutaarsiassanik aallakaatitsinissat aammalumi tusarnaartartut inuusunnerumaat tusagassaqartinnissaat pingaartipparput.
”Inuusuttut pingaartippagut. Tamanna eqqaamasssavarput. Tusarnaartartut inuusunnerusut aamma sullinnissaat eqqamassavarput, tamannami aamma pisussaaffitta ilagaat” taama oqarpoq direktør Søren Lennert Mortensen imatullu nangilluni:”Radiokkut aallakaatitsivimmik pisinerput piginnittutta tapersersorpaat. KNR-ip tungaaniit taamatut suleqataalernissarput qilanaaraarput”, Søren Lennert Mortensen naggasiivoq.
Paasissutissanik annertunerusunik pissarsiniaruit attaveqarfigiuk KNR-imi pisortaq, Søren Lennert Mortensen på telefon: 36 15 00 imaluunniit på mailikkut: smo@knr.gl
