Kalaallit Nunaata atsioqataanissaa ernumassutaavoq

- Suliffissuaqarnikkut ineriartortitsineq qulakkeerneqartariaqarpoq, taamaanngippat Kalaallit Nunaat isumaqatigiissutip avataani inissisimassaaq, taama avatangiisit pillugit naalakkersuisoq Kim Kielsen ippassaq unnukkut radioavisimi oqarpoq.

Silap pissusaa pillugu isumaqatigiissutissami Kalaallit Nunaata suliffissuaqarnikkut ineriartornissaa qulakkeerneqartariaqarsorineqarpoq, immikkullu CO2-mik aniatitsisinnaaneq pillugu isumaqatigiissusiortoqassappat Kalaallit Nunaat immikkorluinnaq pineqassasoq Kattuffiit, SIK-p, GA-p aamma NUSUKA-p piumasaqaatigeqquaat.

Immikkulli pineqarnissaq tamanit isumaqatigineqanngilaq, tassami

Kalaallit Nunaata silap pissusaa pillugu isumaqatigiissutissami peqataannginnissaa folketingimut ilaasortap Juliane Henningsenip

akerleraa.

- Silap pissusaata allanngoriartorfiginerpaasaani najugaqartuulluta akisussaaffimmik aamma tigusisariaqarpugut, Juliane Henningsen oqarpoq.