Kalaallit Nunaat USA-lu isumaqatigiissuteqarput

Isumaqatigiissut USA-p Danmarkimi ambassadøriata, James P. Cainip, Kalaallit Nunaatalu Aningaasaqarnermut Nunanullu allanut Naalakkersuisuata, Per Berthelsenip, Københavnimi ullumi atsioqatigiissutigissavaat.

Isumaqatigiissut USA-p nunattalu akornini angallannerni silaannakkut imaatigullu niuerniarluni toqqammavissatut pitsaasutut, siunissamilu niueqatigiinnerulernissamik attaveqaqatigiinnerulernissamillu aqqutissiuisuusoq, USA-p Danmarkimi ambassadørianit nalilerneqarpoq.

Isumaqatigiissut aamma USA-p, Kalaallit Nunaata Danmarkillu isumaqatigiissutaanit Joint Committeemik taaneqarsimasumik aallaaveqarpoq.

- Nunami ineriartortumi nutaaliaasumilu kammalaatitsinnut attavitta pitsanngorsarneri nuannaarutigaakka niuernikkullu suleqatigiinnerup annertusarneqarnera alloriarnertut pingaartutut isigalugu, Aningaasaqarnermut Nunanullu allanut Naalakkersuisoq Per Berthelsen atsioqatigiinnissaq sioqqullugu oqarpoq.