ASSIT Kalaallit Nunaat Tivolimi iluatsilluartoq
Kalaallit Nunaat Tivolimi aaqqissuussaq ukioq manna iluatsilluartoq ornigarneqarluarsimasorlu, Kalaallit Nunaat Tivolimik aaqqissuisut nalunaarutigaat.
Allattoq Karsten Sommer
aggustip 03-at 2015 10:29
Nutserisoq Mads Lynge
Miki Jensen aaqqissuisut sinnerlugit taama nalunaaruteqarpoq.
- Tivoli ullut marluk ingerlaneranni 66.000-init ornigarneqarpoq, taakkunannga 15.000-it Kalaallit Nunaat Tivolimi immikkut sammineqarnerani ornigussimanissaat Tivolip nalilerpaa, Miki Jensen oqarpoq.
AAMMA ATUARUK ASSIT Kalaallit Nunaat Tivolimi
Kalaallit Nunaat Tivolimi aaqqissuussaq aappaagu ukiunik 40-nngortorsiussaaq, pilersaarusiortoqalereerlunilu.
- Tikeraat orniguttullu aappaagu ukiunik 40-nngortorsiornermut atatillugu sunik sammisassaqarusunnersut pillugu unammisitsivugut. Akissuteqartullu imaaginnavimmata nuannaarutissaavoq. Aappaagumut pilersaarusiulereerpugut, immikkuullarissumillu pisoqarnissaa neriorsuutigaarput, Miki Jensen oqarpoq.
