Kalaallit Nunaat takornariarfissatut Irlandimi nittarsaanneqartoq

Kalaallit Nunaat takornarianut pilerisaarutigalugu USA kisimi takoqqusaarfigineqanngilaq. Aasap ingerlanerani Irland-imi nunarput nittarsaanneqarpoq, sermersuaq umimmaat qimussernerillu takoqqusaarutigineqarlutik.

Tamannalu pivoq ukiumoortumik takornariartitsiviit niuffanneranni Trailblazer-imik taaguuteqartumi. Niuffannermi Canada-miit USA-imiillu aningaasaatilissuit peqataasimapput.

Kalaallit Nunaat ataatsimiigiartarfittut, angalanissarlu akissarsiaralugu ornitassatut tuniniarneqarnissaa siunniupparput, taamaatut takornariartitsisarnerit anertusiartupiloormata, tamatut oqarpoq Takornariaqarnermut Siunnersuisoqatigiit MICE-qarnermut tunngatillugu ataqatigiissaarisoq, Nini Biilmann.

Nalinginnaasumik takornarianut naleqqiullugit tamakku aningaasanik atuinerujussuusarput, takornariallu angallaffiisa nalaani tamaallaat angalasaratik,.

Nini Biilmann isumaqarportaaq ataatsimiinnerit aaqqissuunneqartarnerannut, nunanilu allamiut suliffeqarfiutaasa malunnartitsiniaallutik angalatitsisarnerinut akigitinneqartunut Kalaallit Nunaat unammillersinnaasoq.

Ataatsimiinernut aaqqissuussisartut Kalaallit Nunaat akisuutit ornikkuminaatsutullu isigisarpaat, nunat allamiullu akigitittagaannut sanilliulluta unammillersinnaavugut, suliffeqarfiillu tamanna tupaallaatigisarpaat. Nine Biilmann oqarpoq.