Kalaallit Nunaat qulingiluanik qipoqqartassinneqarpoq

Arfanniarnermut ataatsimiititaliarsuup IWC-ip Marokkomi ataatsimeersuarnerani tamanna ullumi aalajangiunneqarpoq.

Kalaallit Nunaata qipoqqartasseqqinneqarnissaa nunat IWC-mut ilaasortat 88-iusut tamarmik akuersaarpaat.

Kalaallit Nunaat ukiut 25-t qaangiuttullu kingumut aatsaat qipoqqarniarsinnaatitaaqqilerpoq.

Kisianni tikaagullittassat tikaagulliusaartassallu ikilineqarput:

Kitaani tikaagullittassat ukiumut 200-niit 178-inut ikilisinneqarput. Aamma tikaagulliusaat 19-iniit 16-inut pituttortumik ikilisinneqarlutik, tikaagulliusaallu ukiumut qulinut appartinneqarnissaat Kalaallit Nunaannit namminermit aamma akuerineqarpoq.

Piniarnermut Aalisarnermullu allaffimmi pisortaq, Amalie Jessen, taama ilisimatitsivoq.

Qipoqqaat ukiumut qulingiluat pisarineqartarnissaat nungusaataanavianngitsoq immap uumasuinik ilisimatuut nalilerpaat, nutaarsiassaqartitsivimmi Ritzauimi allaaserineqarpoq.

Qipoqqaat nunarsuaq tamakkerlugu ullumikkut 70.000-it missaanniipput. Qipoqqaat assigiinngitsorpassuarnik torlumminniit nipiliorsinnaapput, tamannalu nunarsuatsinni tusaamaneqaatigaat.

Qipoqqaq taama taaguuteqalerpoq, niaqua timaalu tinumanerpassuaqarmat. Qipoqqaat assigiinngitsorpassuarnik torlumminniit nipiliorsinnaapput, tamannalu nunarsuatsinni tusaamaneqaatigaat.