Kalaallit Nunaat portuneruleriartorpoq
Kalaallit Nunaata sermiata aakkiartornerata malitsigisaanik nunap qangattariartulernera pissutaatinneqarpoq.
Allattoq Louise M. Kleemann
Uuttuinerit takutippaat nunatta kujataata nunataa ukiumut 4 cm-ip 5 cm-illu akornanni qaffakkiartulersimasoq. GPS-imik uuttortaavinni assigiinngitsuni arfinilinniittuni tamanna malunnarsisimavoq, taama immikkut ilinniagallit atuagassiaat Ingeniøren allappoq.
- Uagut paasinnittaaserput malillugu kisitsisit sualupput, taama misissuisartuuneq Shfaqat Abbas Khan, DTU Space-meersup atuagassiamut Ingeniøren-imut oqaatigisimavaa.
Sermeq tunup kujataaniittoq ukiumut 160 kubikkilometeri missaaniittoq aattarpoq.