Kalaallit Nunaat pingaaruteqalersinnaavoq

Sapaatip akunnera ataaseq qaangiuppat folketingimut qinersisoqassaaq. Politikimik suliallit Danmarkimi ulapputtileruttorput – nunarpullu pingaaruteqalersinnaavoq.
Allattoq Elisa Isaksen
novembarip 06-at 2007 11:38

Aviisi ullormut saqqummersartoq POLITIKEN allappoq, qinikkat pingasut Atlantikup Avannaaneersut saamerliunianik qinersinissaat ilimagalugu. Demokratilli qinersisartuni ukiuni kingullerni ilisarisimaneqarlualersut folketingimut isertitaqassappata Danmarkimi naalakkersuisunut talerperliunianut tunngaviusinnaalluartut politiken allappoq.

Kalaallit qinigaasa aappaannaaluunniit talerperliunianut tapersersuippat Venstret, Konservativit, Ny Alliancet Radikalellu naalakkersuisuutitaqalernissaannut tunngaviliisuulluarsinnaavoq. Taamaalilluni Danmarkimi talerperliunianik naalakkersuisoqalissaaq Dansk Folkepartiip sunniuteqarfiginngisaanik, Politiken allappoq.

Taamaattorli kalaallit qinigaatitaasa tamarmik saamerliunissaat ilimagineqartoq Henrik Skydsberg isumasiuisarfimmik HS Analysemik piginnittoq politikenimut oqarpoq. Taanna qinersinernut arlalippassuarnut atatillugu isumasiuisarpoq.

Kalaallit folketingimi ilaasortaatitaasa Siumumit IA-millu inuttaleqqinneqarnissaat taassuma ilimagaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq