Kalaallit Nunaat juunip ulluisa arfineq-aappaanni taasiartussaaq

Kalaallit Nunaat tamarmi sapaammi juunip ulluisa arfineq-aappaanni taasiartussaaq. Tassami Danmarkimut naalagaaffeqatigiinneq pissutigalugu, Kunngissaq pillugu inatsisip allanngortinneqarnissaa ulloq taanna pissaaq, kalaallillu aamma taasitinneqassapput. Kalaallit Nunaanni Rigsombudsmandi ullumi taama nalunaarpoq.
marsip 18-at 2009 15:18

Kunngissaq pillugu inatsimmi maanna atuuttumi imaappoq: Dronningi Kunngiluunniit toquppat tunuarpalluunniit kunngikkormiuni nukappiaqqat kunnginngornissaminnut salliutinneqartarput. Kunngikkulli paniinnaqarpata, paniusup angajulliup Dronninginngorsinnaanera Danmarkimi tunngaviusumik inatsisip akuersissutigisinnaavaa, soorlu Dronning Margrethe 1972-imi dronninnginngormat taama pisoqartoq.

Kunngissaq pillugu inatsisissami, juunip ulluisa arfineq-aappaanni taasissutigineqartussami, arnat angutillu naligiisinneqassapput, taamaallilluni angajulliliaq kunngissanngorsinnaalissalluni.

Taasisitsinissamut tassunga immikkukajaartumut, sapaammilu pisussamut, pissutaavoq, EU-mi inatsisartunut Europa tamakkerlugu ulloq taanna qinersisoqassammat. Kunngissarli pillugu inatsisissamut angernerluta naaggaarnerlutaluunniit maani Nunatsinni ulloq taanna taamaallaat taasissutigissavarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq