Kalaallit Nunaat imminut pilersorsinnaanerulerpoq
Kalaallit Nunaata Kujataani kangerlummi Ferdinand Egedep pisuussutit qallorpai, tassa naatsiiat pisiniarfinnit piumaneqarluartut katersorpai. Nuummi pisiniarfiit naatsiiat nutaggariit siulliullutik tuniniagarilerusullugit sianertalereersimasut Ferdinand Egede oqaluttuarpoq. Naatsiiallumi siulliit maanna nassiussulerpaat, naatsorsuutigaallu tonsit 50-it ukioq manna tunisinnaassallugit naatsorsuutigaat.
Siornatigut naatsiianik naatitsisarneq minnerunngitsumillu nersussuarnik tunisassiorsinnaaneq qaqutigoorsimagaluartoq maanna siuarsarneqalerpoq. Narsami Suka Frederiksen uinilu nersussuit neqaarniutigissamaarlugt nersutaatigaat. Suka Frederiksen oqaluttuarpoq ukiaq manna nersutaatimik neqaat tuniniassamaarlugit, neriniartarfiillu pisinissaminnut soqutiginnilluartut.
Maanna sermersuaq aakkiartupiluulermat nunarujussuaq nersutaateqarfiusinnaallunilu naatitsiviusinaasoq qulaarpaa. Kalaallit Nunaannilu ukiuni makkunani nerisassat 90 procentii timmisartunik umiarsuarnillu avataaniit assartuunneqartartillugit periarfissat nutaat nunarsuarmi silap kiatsikkiartornerata nassatai annertoqaat. Nunarsuarmi silap kiatsikkiartornerata sunniutai ilisimatuut aarlerigileruttoraat, kalaallit tamatuma periarfissanik nutaanik tunisinera qiviaqqajaaneruaat. Lars-Emil Johansenip nunarsuarmi silap kiatsikkiartornera qujarullugu oqarneratuut; - Issittuaannassagaluarpat iluaqutaasinnaasunik amerlanerusunik periarfissiinavianngilaq.
