Kalaallit Nunaat eqqunngitsumik tunngaveqarluni anisinneqarpoq
Kalaallit Nunaat eqqunngitsumik tunngaveqarluni Amerikap nunavittaani Assammik Arsartartut Kattuffianiit, PATHF-imiit, anisinneqarsimavoq, taamaalillunilu assammik arsarluni nunarsuarmi pissartanngorniulluni angunniunnissanut peqataasinnaajunnaarsitaalluni.
Nunat Tamat Assammik Arsartartuisa Kattuffianiit IHF-imiit Madridimi ataatsimeersuartoqarnerani sapaatip akunnerata naanerani taama naliliisoqarpoq. Taama allappoq Jyllandsposten, ullumi.
Nunat Tamat Assammik Arsartartuisa Kattuffiat paatsuugassaanngitsumik Kalaallit Nunaanni Amerikap nunavittaani Assammik Arsartartut Kattuffiannut ilaasortaanera tapersersoraluaraa, PATHF-p ukioq kingulleq matussilluni aalajangiisimanini allanngortikkusunngilaa. Taamaalillunilu Kalaallit Nunaata angunniunnernut unammisartui U21-VM-mimut peqataasinnaajunnarsitaapput.
- Naak kissalaartumut suli iseqqinngikkaluarluta, Nunat Tamat Assammik Arsartartuisa Kattuffissuata taamatut inerniliinera siunissatsinni qaamasoqarneranik nipeqartutut tiguarput. Kalaallit Nunaani Assammik Arsartartut Kattuffianni siulittaasoq, Palle Jeremiassen, Jyllandspostenimit aperineqarluni taama oqarpoq.
" Amerikap nunavittaani kingullermik unammineranni Chile aamma Canada kalaallit unammisartuinut ajorsarsimapput, nunallu taakkua uatsinnut ajattuisuupput. Taamaammat Kalaallit Nunaata piumasariniarpaa unammisartutta U-21 angunnissaminnut periarfissinneqarnissaat, suliap suliarineqarnera Amerikap nunavittaani unammisartut assammik arsarlutik angunniuttarnerannut Kalaallit Nunaannut iluaqutissartaqartoq paasinarsisippagu, taama oqarpoq, Kalaallit Nunaanni Assammik Arsaattartut Kattuffiani siulittaasoq, Palle Jeremiassen.
