Kalaallit Nunaat Amerikami ilisimaneqarnerulernissaa pillugu isumaqatigiissusiortoqartoq

Amerikami Kalaallit Nunaannik ilisimasaqarneq annertusarniarlugu Branding Greenland M Booth & Associates INC-i isumaqatigiissuteqarfigivaa.

- Air Greenlandip toqqaannartumik Baltimoremut timmisartuussisarneq aallartimmaguli USA qanillinerusutut ilerpoq. Toraagaqaqqissaarluni USA-mi Kalaallit Nunaat pillugu nittarsaassinerit nunatsinni suliffeqarfinniit niuerfigineqarsinnaasunut ammaassinerussaaq, taama Nunanut Allanut Naalakkersuisuoq Aleqa Hammond M Booth & Associates INC-imik isumaqatigiissuteqarluni atsioreernermi tusagassiortunik katersortitsinermi oqarpoq, Namminersornerullutik Oqartussat tusagassiviat allappoq.

Greenland Branding Air Greenlandimiit, Kalaallit Nunaanni Takornariaqarnermut Inuussutissarsiornermullu Siunnersuisoqatigiinniit, KNI-miit aamma Royal Greenlandimeersunik inuttaqarpoq.

M Booth & Associates, Inc. nittarsaassinernik suliffeqarfiuvoq anngajaaq inunnik 60-it missaanik sulisulik New Yorkimiittoq. Angallannernik, inooriaatsit pillugit nittarsaassinernut, tusagassiuutinut attaveqarnernut tamakkulu assigisaannik