Kalaallit Nunaat aamma Isle of Man isumaqatigiissuteqarput
Kalaallit Nunaat aamma Tuluit qeqertaasa ilaat Isle of Man akileraartarneq pillugu marloqiusamik ullumi isumaqatigiissuteqarput.
Allattoq Elisa Isaksen
Aningaasaqarnermut Nunanullu Allanut Naalakkersuisoq, Aleqa Hammond aamma Isle of Man-imi Aningaasaqarnermut Naalakkersuisoq Allan Bell, Oslomi Nunat Avannarliit Aningaasaqarnermut Naalakkersuisuisa ataatsimiinneranni, atsioqatigiipput.
Nunat Avannarliit tamarmik isumaqatigiissutip assinganik Isle of Man-imut isumaqatigiissuteqarput.
Atsioqatigiilluni isumaqatigiissusiornikkut nunani tamalaani akileraartarnikkut pinerlunniartarneq akiorniarneqarpoq, akileraartarnermullu qullersaqarfimmi pisortap, Kaare Hagemann-ip, tamanna Kalaallit Nunaanni iluatsitsinertut oqaatigaa.