Kalaallit Nunaat Aalborgimiunut pingaaruteqartorujussuuvoq
Aalborgip umiarsualivia, Grønlandshavn, inunnik hundredilikkaanik suliffeqartitsivoq, tamannalu Aalborgemiunut pingaaruteqartorujussuuvoq.
- Danmarkimi illoqarfiit inuttussutsimikkut amerlassusaannut sanilliullugu kalaallit Aalborgimi najugaqartut amerlapput. Taamaakkaluartoq Aalborgimi innuttaasut Kalaallit Nunaat pillugu ilisimasaat annikitsuinnaapput, Inger Bradt oqarpoq.
Aalborgip Kalaallit Nunaannik niueqateqarnera aamma kalaallit Danmarkimut nuuttartut pillugit aviisitigut allaaserisat, saqqummertitsinermi isiginnaarneqarsinnaapput.
- Kalaallit Nunaanni pissutsit pillugit paatsuungassutit anigorniarlugit ulluinnarnilu Kalaallit Nunaanni inuunermut tunngasut ilisimaneqarnerulernissaat anguniarlugu saqqumersitsissaagut, Inger Bladt oqarpoq.
Saqqummersitsineq tallimanngorpat ammarneqassaaq ukiorlu ataaseq takuniarneqarsinnaajumaarluni.
