"Kalaallit Nunaannit qimarranneq" isornartorsiorneqaqaaq
-Kalaallit Nunaanni kusanaqisumi inuttut ajornartorsiutinik ulikkaarpoq, Kalaallit Nunaata ajalusoorneranik tamanna kinguneqarsinnaavoq, Danmarks Radiop nittartagaani taama allassimasoqarpoq.
Partii Naalakkersuisoqartitsisoq, Siumut, Kalaallit Nunaat namminersornerulermalli siuttuulerpoq, sulilu siuttuulluni.
Siumup politikkikkut oqaaseqartartua, Inatsisartunut Folketingimullu ilaasortaasoq, Lars-Emil Johansen, aallakaatitami aamma peqataasoq, ilaatigut oqarpoq, kalaallit inuiaat kiffaanngissuseqarnissaat, danskinut ataqqinninneq pinnagu, siullermik pisariaqartoq, nunanummi allanut ministereqafiup Kalaallit Nunaanni innuttaasut oqarsinnaanngitsutut iliorfigisarpaa, soorlu uagut nammineq eqqarsarsinnaanngitsugulluunniit, Lars-Emil Johansen oqarpoq.
Danmarkimi ministeriuneq, inunnik isumaginninnermut ministeri aamma ilinniartitaanermilu ministeri aallakaatitami peqataajumasimanngimmata Danmarks Radiop eqqumiigaa.
Danskinuna ilerasuuteqarnerat tunuarsimaarnerannut immaqa pissutaasoq, aallakaatitassap aallakaatinneqannginnerani siumut eqqartuinermi ilaatigut oqartoqarpoq.
