Kalaallit Nunaanni Politiit suliaq misissuiffigaat inuillu sisamat
Danskinit norskinillu kingoqissup Hans Egedep eqqaassutissiaa 2020-mi juulip ulluisa 21-anni sapaammi aappaluttumik qalipallugu naggueqatigiit inuit kakiortittariaasaasa ilusaannik titarneqarnerlunilu ”decolonize”-mik tassa nunasiaajunnaarsaanermik oqaasertalerneqarpoq.
Kalaallit Nunaanni Politiit suliaq misissuiffigaat inuillu sisamat Hans Egedep eqqaassutissiaanut serlersaarisoqarneranut atatillugu pasineqarlutik.
Inuit sisamat Pinerluttulerinermi inatsimmi paragraf 46 malillugu eqqaassutissianut assingusunulluunniit innarliisutut pasineqarput.
Kalaallit Nunaanni Politiilli suliaq maanna unitsiinnarpaat.
Kalaallit Nunaanni Politiit tusagassiuutinut nalunaarummi taama allapput.
Politiit suliamik misissuinerat ilisimannittumik Finlandimi najugaqartumik pissarsisinnaannginnerat pissutigalugu unittoorpoq.
Ilisimannittup pineqartup kina serlerssaarisuunersoq ilisimallugu tusagassiorfimmut Sermitsiaq.ag-mut oqaatiginikuuaa.
Politiit ilisimannittumik ukioq manna juunip ulluisa 27-anni aatsaat apersuipput. Tassanilu kina serlersaarisuunersoq ilisimanagu oqaatigaa.
- Politiit suliamik unitsitsisariaqarneranik killisiuineq inerneqarpoq, inuimmi sisamat eqqartuunneqarnissaannut naammattunik paasissutissaqanngilaq.
