Kalaallit Nunaanni kammalaatigiiaarneq
Taamak alappoq danskit ullormut saqqummersartuat Berlingske Tidende. Suliniaqatigiiffik Transparency International Danmarkimi Kalaallit Nunaannilu oqallitsitsiniarpoq ingerlatsinerlunneq ilumut Kalaallit Nunaanni atuunnersoq paasiniarlugu. TI pilersaarportaaq ilisimatuussutsikkut ingerlanneqartumik attaveqanngitsumillu Kalaallit NUnaanni kammalaatilersornerup atugaatiginera misissoqqissaarniarlugu.
TI aalajangersimavortaaq Kalaallit Nunaat Danmarkip ilaattut ilanngunneqassanngitsoq, suliniaqatigiiffiup nunat tamalaat ingerlatsinermi kammalaatigiissortut nalunaarsornerannik saqqummiussiguni.
Folketingimi ilaasortaq Juliane Henningsen Inuit Ataqatigiinnersoq isumaqarpoq naalakkersuinikkut suliaqartut inuussutissarsiutinik ingerlatsivinnut akulerunnaveersaartariaqartut, soorlu Michael Binzerimit tamassumunnga oqaatigisaqartoq.
-Akueriuminaakkami siulersuisunik allanngortitsisarneq naalakkersuisooqatigiit isasoorneri patsisigiinnarlugit, ulianne henningesne berlingske Tidendemut oqarpoq. Henningsenilli erseqqissarpaa Kalaallit Nunaanni aningaasarsiornerup mianernernarnera, taamaattumillu inuussutissarsiutitigut ingerlatseqatigiiffiit Namminersornerullutik Oqartussanit pigineqartut ilaatigut naalakkersuinikkut suliaqartunit siulersuisoqartariaqartarnerat pisariaqarsoralugu, soorlu piginneqatigiiffik Air Greenland assersuutigalugu.
