Kalaallit Nunaanni Danmarkimisut qiteqqusimassaagut

Namminersorlutik Oqartussat erfalasui tamarmik ataasinngornermi qiteqqusimassapput, Københavnimi sapaatip akunnerata naanerani peqqaarniisaarniarnernit eqqugaasunut ilaqutaasunullu misiginneqatiginninnerput aliasunnerpullu takutinniarlugu.
Allattoq Simon Uldum -
februaarip 16-at 2015 04:14

Danmarkimi oqartussat Savalimmiunilu Lagtingi aamma qiteqqusimassapput.

- Naalakkersuisut demokratii saassullugu peqqarniisaarniarneq akerleraat. Taamaammat Danmarkimi oqartussat Savalimmiunilu Lagtingi peqatigalugit eqqugaasunut ilaqutaasunullu misiginneqataanerput eqqarsaatitsinniinnerallu takutinniarlugu qiteqqusimassuugut.

AAMMA ATUARUK Kim Kielsen: Danmarkimi pisunut misiginneqataangaarpugut

- Demokratii aqqutigalugu pisinnaatitaaffipput, killiligaanani oqarsinnaatitaaneq, saassunneqarpoq. Qunusiarineqassanngilagut. Killiligaanata oqarsinnaatitaanerput nukittoqutigaarput, tamannalu illersussavarput - ataatsimoorluta, Naalakkersuisut Siulittaasuat Kim Kielsen tusagassiorfinnut nalunaarutreqarluni taama allappoq.

AAMMA ATUARUK Københavnimi peqqarniisaarluni saassussisoqarnerani toqutaasut marlunnik ilapput

AAMMA ATUARUK Københavnimi pinerleeriartoqarnerani inuk ataaseq toqutaavoq pingasullu ikiligaallutik

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq