Kim Kielsen: Danmarkimi pisunut misiginneqataangaarpugut
Arfininngornermi aamma arfininngornerup sapaatillu unnuaani peqqarniisaarluni saassussisoqareersorlu inuiaqatigiit kalaallit sinnerlugit Kim Kielsenip tapersersuinini misiginneqataaninilu nalunaarutigaa.
![](/sites/default/files/styles/image_934x467/public/article_images/kim_kielsen_0.jpg?itok=8OAb2-qW)
Allattoq Sandra Meinecke, Elisa Isaksen
Nakuuserluni taama iliuuseqarnerit Naalakkersuisut akuerisinnaanngilaat, Københavnimi arfininngormat eqqaassisoqareersorlu Kim Kielsen tusagassiuutinut nalunaarummini taama allappoq.
- Eqqugaasut taakkulu ilaqutaat eqqarsaatitsinniipput misiginneqatigingaarpavullu.
Danmarkimi oqartussat pisuusut nanisinnaassagaat eqqartuussivimmullu sassartissinnaassagaat, Naalakkersuisut siulittaasuata neriuutigaa.
Naalakkersuisut Siulitaasuata Københavnimi ippassaq pisumut kalaallit misiginneqataanerat tapersersuinerallu Danmarkimi naalakkersuisunut piaarnerpaamik anngutissavaa