Kalaallit Nunaanni Brugseni siulittaasortaarpoq
Kalaallit Nunaanni Brugsenit sapaatip akunnerata naanerani ataatsimeersuarneranni, nutaamik siulittaasortaarput. Siulittaasunngortoq tassaalluni KNR-ip nutaarsiassaqartitsiviani Qanoruumi tusagassiortoq, Sivert Olsen.
Allattoq Apollo Jeremiassen
- Immikkoortortaqarfiit tatiginninnerat nunannaarutigaara. Sulinissaq qilanaarnarpoq sapinngisaralu tamaat ilaasortat suliffillu kiffartuutissavakka, Sivert Olsen oqarpoq.
Siulersuisuni sulineq siulittaasunngorlaamut nutaajunngilaq, tassami Sivert Olsen ukiuni tallimani kingullerni siulersuisuunerni sulereerluni maanna siulittaasunngorpoq.
Siulittaasup tullerilerpaa Aalipaaraq Kreutzmann, allallu ilaasortat tassaallutik, Ib Lennert Olsen, taanna siulittaasuusimasoq, Lars Jørgen Kleist, Frederik Petersen, Petrine Thomsen, Marie Berthelsen aamma Karla Egede Bisgaard.