Kalaallit Nunaanni 16-it Savalimmiuni 94-it Folketingimut qinigassanngortipput
Qinigassanngortittut allattorsimaffiat Savalimmiuni Nunami namminermi pissutsinut allaffeqafeqarfiup ullumi saqqummiummagu tamanna paasinarsivoq.
Savalimmiuni qinigassanngortittut taakku 94-it partiinit arfinilinngaanneersuupput. Folketingimut 2005-imi qinerisoqarmat Republikanerineersoq Høgni Hoydal aamma Folkeflokimeersoq Annfin Kallsberg qinigaapput. Høgni Hoydal kisimi maanna qinigassanngorteqqippoq.
Folketingimut Kalaallit Nunaanniit qineqqusaarneq unnugu ingerlateqqinneqassaaq, KNR-TV-p toqqaannartumik apeqqarissaarneq qallunaatut aallakaatissammagu, nalunaaqutaq afineq-pingasuniit qulingiluat tungaanut.
TV-kkut aqagu unnukkut aamma apeqqarissaartoqassaaq, tamatumuuna kalaallisut, qineqqusaarnerlu, Kalaallit Nunaat tamakkerlugu aallakaatinneqartartoq, sapaatiuppat naammassissaaq, KNR-TV Nuummi Minihallimiit aallakaatitsissalluni, nalunaaqutaq marluniit sisamat tungaanut qallunaatut, unnukkullu nalunaaqutaq arfineq-pingasuniit aqqarngup qeqqata tungaanut kalaallisut.