Kalaallit norskinut pissartanngussangatitanut unammissasut
Arnat kalaallit assammik arsartartut nunarsuarmi pissartanngorniunnermut oqaluttuarisaanermi aappassaanik peqataasussaapput.
Nunarsuarmilu pissartanngorniunnissami kikkut unammissaneraat pissangassutaareersorlu makitsisoqarnerani paasinarsivoq.
Arnartatta Norgemiut, Østrigimiut Koreamiullu unammisussanngorpaat. Taamaalilluni VM-imi ajugaasussatut ilimanaateqarsinnaasut, tassa norgemiut gruppeqatigilerpaat. Norgemiummi VM-imi 2021-mi ajugaapput, EM-imilu siorna 2022-mi ajugaallutik.
Kalaallit Nunaat gruppe C-mi, nunat allat pingasut peqatigalugit inissippoq.
VM-ernissamut makitsineq Sverigemi Göteborgimi pivoq.
Kalaallit anngunniunnermi ajorsartinneqanngitsut
Danmark, Norge Sverigelu tassaassapput novembarip 29-niit decembarip 17-iata tungaanut unammisaqattaarfiusussat.
VM-imut Nuummi juunimi anngunniuttoqarmat innuttaasut nuannattunnguupput. Nunarput ajorsatinneqanngiivilluni ajugaaniutivinnermi Canadamut unamminermini 17-raarluni ajugaavoq, Canada 15-eraartoq.
Nunarput anngunniunnermi unamminerni imatut angusaqarpoq:
Mexico – Kalaallit Nunaat 22-24
Kalaallit Nunaat – USA 27-12
Cuba – Kalaallit Nunaat 19-25
Kalaallit Nunaat – Canada 30-19
