Kalaallit USA-mut nipilersoriartut
Festivalersuaq South by Southwest, SXSW-mik taaneqartartoq Austinimi Texasimiittumi pisarpoq.
Peter Lyberth aamma Aqqalu Engell nipilersortartutut ateqarput Peand- eL-mik aamma Uyarakq, Amerikamilu festivalimi peqataapput.
- Nuanneqaaq assorujussuaq. Illoqarferujussuarmiilluni appisimaarfigalugillu inuit tamarmik assut nassuiaruminaappoq allanangaamat nuanningaarmallu, Peter Lyberth oqarpoq.
Small Time Giants festivalimi aamma appisimaaqataapput.
SXSW festivalimi nipilersortartut katillugit 2000-it missaaniittut nunani assigiinngitsorpassuarneersut nipilersortarput, siornalu nunanit 67-ineersut nipilersorput.
Kalaallit nipilersortartut festivalimi peqataanerat NAPAmit aningaasaliiffigineqarpoq.
Ilanngutassiaq Qanoruumi tallimanngorpat nalunaaqutaq arfineq-marlunut takusaqarfiginerusinnaavat.
