Kalaallit meerartaat Tysklandimi alutorineqarput

Eqqumiitsuliortup Danmarkimeersup Mette Ohlsenip, meeqqat 22-t taamanikkut Danmarkiliartinneqartut pillugit qiortarlugit katitikkanik assilialiaa nersorniarneqarpoq, Mette Ohlsen nersornaammik Meldorfer Culturprisimik nersornaaserneqarami.

- Nunat inoqqaavisa naalakkersuisui isumaqarput nunat inoqqaavisa piorsarsimassusaat taakku meeraat aqqutigalugit piorsarsimassusaat allanngortinneqarsinnaasoq. Tamanna takornartaanngilaq, Mette Ohlsen oqarpoq.
Meeqqat Danmarkiliartinneqarnerannut taamanikkut aqutsisut Mette Ohlsenip eqqumiitsuliami ersersinniarsarai.

- Naak ajunngitsumik iliorniarsarigaluarlutik meeqqat atukkamikkut sumiginnagaanerat avaanngunartutut isigaara. Taamanikkut ileqqorippallaartoqarsimanngilaq, Mette Ohlsen oqarpoq.

Qiortarlugit katitikkanik assilissat katillugit 110-upput.

Mette Ohlsen arlaleriarluni nunatsinniinnukuuvoq, Kalaallillu Nunaat nuannareqalugu. Nersornaat aningaasanik 2500 Euronik, imaluunniit 20.000-it koruunit missaannik aningaasartaqarpoq, Flensborgiliartoqassagaluarpallu eqqumiitsuliaq Dithmarscher Landesmuseumimi aggustip 26-ata tungaanut alakkarneqarsinnaavoq.