Kalaallit meerartaat arfineq marluugaangamik ataaseq sumiginnarneqartarpoq

Meeqqat kaattut pillugit Naalagaaffiit Peqatigiit suliniaqatigiiffiata UNICEF-ip nalunaaruteqarnerata kingorna kalaallit meerartaasa ulluinnarni inuunerat pillugu misissuisitsineq saqqummerpoq.
Allattoq Mads Lynge
januaarip 24-at 2009 17:25

Kalaallit meerartaat arfineq marluugaangamik ataaseq sumiginnarneqartarpoq.

Sumiginnaaneq ilaqutariinni imigassamik atuinermit piitsuunermillu aallaaveqarput, nutaarsiassaqartitsivik Ritzau taama allaaserisaqarpoq.

Meeqqat sumiginnakkat angajoqqaavi atukkaminnik aaqqiissuteqarsinnaannginnertik pissutigalugu angajoqqaajunissartik sapertutut ittarpaat, ilisimatooq Else Christensen atugarissaarneq pillugu ilisimatusarfimmi Det Nationale Forskningscenter for Velfærdimeersoq oqarpoq.

Meeqqat sumiginnakkat pingasuugaangamik ataaseq ikinngutiminnik aamma atuarfimmi ilaquttaminnillu ajornartorsiuteqartarput. Ajornartorsiuteqartoqaraluartoq kalaallit meerartaat pingasuugaangamik ilaat marluk inuuneripput annertunerusumik ajornartorsiuteqaratik.

Nuna tamakkerlugu misissuisitsineq taaguuteqartinneqarpoq ilaqutariinni timikkut tarnikkullu atugarisat. Meeqqat 1.160-it ukioqanngitsuniit 14-inik ukiulinnut anaanaasut apeqqutinik akissutaat aallaavigalugit misissuitsineq suliarineqarpoq.

Meeqqat ajunnginnerusumik atugassaqalernissaannik naalakkersuinikkut suliniutissatut innersuussutit misissuisitsinermi ilanngunneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq