Kalaallit kilisaataataanni ajornartorsiuteqanngillat

Hans Fleischer, Imarsiornermik qullersaqarfimmiit; kalaallit kilisaataataanni taama pisorqarsinnaava?

-Taama oqarnissaq nalunartorujussuuvoq, kisianni uani pineqartumi kilisaassuaq uagut kilisaataatitsinnut naleqqussassaarpianngilaq, angisoorujussuusimagami, inuit 116-it inuttarisinnaallugit tassanilu tassa inuiaat arfiniliusimallutik. Uagut kilisaataativut inoqartarput 25-30-it missaanni.

-Qulliit ruujoriusat pineqartut assiginik kalaallit kilisaataataat atortoqarpat?

Tassa taakkua malittarisassat malillugit assigiinngitsut nutaajugaangamik, kilisaatit sananeqaataannut tunngatillugit, ukua malittarisassat malilluaraanni, pisimasussaanngikkaluarpoq taanna pisimasoq.

Kalaallit kilisaataataanni sulisorineqartut sunik ilinniagaqarnikuuppat?

-Tassa qallunaatut taasartakkavut, officerit; angallatini aquttut, naalakkat maskinmesterillu tamakku ilinniarneri tunngavigalugit sungiusarneqartarput. Sungiusarnerinut ilinniarnerinullu atasarput, qatserinermut taavalu putsumut pulalluni qatserinermut sungiusartarlutik.

Uagut misissuisarnitsinni malugisimanngilarput, oqaatsit pillugit annertunerusumik ajornartorsiuteqarneq. Imaakkami amerlanertigut tassa kilisaassuarni sulisartut tassaasut, kalaallit qallunaat savalimmiormiullu, taava oqaasii tassaniipput kalaallisullu qallunaatullu.

Nunani tamani mianersoqqussut Kalaallit Nunaanni paasissutissiissutigineqarnikuua?

Søfartsstyrelsemi nalunaarusiaat ippassaq tiguara, taannalu tunngavigalugu nassiussornikuuarput umiarsuaatileqatigiinnut assigiinngitsunut anginernut, taavalu kilisaataatilinnut, taanna paasissutissatut siullermik nassiullugu.