Kalaallit kaffinngernerat Kalaallit Røde Korsiata nuannaarutigaa
Kalaallit Nunaanni innuttaasut kaffinngersuupput, Kalaallit Røde Korsianullu tamanna iluaqutaavoq.
Super1-p discountillu pisortaa, Henrik Winum Tove Blidorf, Kalaallit Røde Korsiani nuna tamakkerlugu siulittaasoq COO-meersoq Allan Frost Kirsten Mortensen, Kalaallit Røde Korsiani allaffeqarfimmi pisortaq.
Allattoq Mads Lynge
maajip 02-at 2016 15:22
Arctic Importimmi niuertarfiutaata nutaap Super1 Aamma Discountip Nuummi arfininngormat apriilip ulluisa 30-anni ammarneqarneranut atatillugu suliffeqarfik niuertunik pilersuisoq Arctic Import Kalaallit Røde Korsiannut 75.000 koruuninik tunissuteqarpoq.
Aningaasat Kaffiguumit tuniniaanermit isertitaapput, tassa kaffinik ataatsinik pisinermi 1 koruuni aningaasaliissutitut immikkoortinneqartarmat.
75.000 koruunit tassaapput kaffit katillugit 37,5 tonsit tuniniarneqarnerannit isertitat.
Kaffiguup tuniniarneqarneranit kingullermik aningaasaliisoqarmat tamanna 2012-imi pivoq, Kalaallit Røde Korsiata ukiunik 20-nngortorsiorneranni tunissuteqartoqarluni. Aningaasat Kalaallit Røde Korsiata inulerinikkut sullissineranut atorneqassapput.
