Kalaallit isiginnaartitsisartut Sverigimi takutitsillluartut
Göteborgimi taama pisoqarpoq, oqaluttuarisaanermi pingaarutilimmi silami isiginnaartitsisarfimmi Bohus Fæstningi-imi.
Elisabeth Heilmann Blind aamma Vivi Nielsen Tuukkami Jyllandip kitaaniittumi Fjaltringimi 80-ikkunni ilinniarsimasuupput.
Amerlanerilli Vivi Nielsen erinarsortartutut ilisimanerugunarpaat.
Silamiummi soqutigineqartuartuliaanni "Inuugujoq"-mi 1988-imeersumi erinarsortuuvoq, maannalu ukiut 26-it qaangiuttut takutititseqqippoq.
Vivi Sørensen massakkut Odense Teaterskole-mi ilinniartuusoq Shakespeare'p isiginnaartitsissusiaani Julie-sussaangaluarpoq, ukiorli ataaseq ulapereersimalluni aasaanerani nunatsinnukarusussimavoq - akerlianik Vivi Nielsen aamma Elisabeth Heilmann periarfissarujussuarmut akuersisimapput.
Vivi Nielsen Juliamut anaanaasaarpoq sukangasoq panimmi ileqqorissuunissaanik pingaartitsisoq.
Vivi Nielsen-illu tupaallaatigaa Romeo aamma Julie pillugu oqaluttualiaq qanoq suli ullutsinnut naleqqutsigisoq.
Aammattaaq Vivi Nielsenip Elisabeth Heilmannillu 80-ikkunni Tuukkaq-Teaterimi 80-ikkunni ilikkakkatik suli atorluarsinnaavaat.
Isiginnaartitsissutinik nalilersuisartut Sverigimi aviisineersut kalaallit isiginnaartitsisartut nersualaarsimavaat, Vivi Nielsen-illu takorloorpaa Shakepearip asanninnilersaarusiaa ullut ilaanni Kalaallit Nunaanni takutinnissaa. Torrassuussangaluarpoq, Vivi Nielsen oqarpoq.