Kalaallit inuusuttuaqqat pillugit filmiliaq nersornaaserneqarpoq
Videoliamik suliarinnippoq 28-inik ukiulik assiliisartoq Eva Marie Rødbro, taassuma videoliamini takutippai Kalaallit Nunaanni inuussuttuaqqat ulluinnarni inuunerat aammalu ileqqui.
Videoliami takutinneqarput inuusuttuaqqat qitittut diskodanserlutik, timigissarlutik aamma kunissuunneri videoliarineqarlutik, assilisat taakkua pinngortitamik, apummi arsaattunik aammalu nannup ameerneqarneranik assilisanik akunnilersorneqarput.
- Inuunermi misigisagut nalaattakkagullu soqutisaraakka Eva Marie Rødbro aviisimi Politikenimi apersorneqarluni oqarpoq.
Jylllandip avannaani inuusuttuaqqat susassaaleqillutik sulerisarnerat pillugu filmiliorniarsimagaluarpoq, paasilerpaali suli ungasinnerusumukartariaqarluni, Kalaallit Nunaannilu filmilioruni tulluarnerpaatissimallugu, Eva Marie Rødbro oqarpoq.
Videomik filmiliat torrallattaanerpaat unammissutigineqartut qulit aviisimi politikenimi atuartartut taassissutigivaat , Eva Marie Rødbrollu filmiliaa "Fuck you kiss mee " ajugaavoq 4.333-inik taagunneqarluni, aningaasallu 50.000-it koruunit akissarsissutigineqarput.
