Kalaallit inuiattut akuerisaassapput
- Namminersorneq pillugu inatsit atuutsinneqalerpat inuiattut akuerisaassaagut, tassani inatsisitigut naqissuserneqassalluni inuiaasugut namminneq aalajagiisinnaassusillit. Nunami pisuussutit iluaqutigineqarneranni inuiaat piginnittuunerat naqissuserneqassaaq, tamatumani aamma aatsitassarsiornermi isertitat inuiannit pigisassarititaanerat ilanngunneqarluni. Naalagaaffiup nunatsinnut ataatsimoortumik tapiissutigisartagai maannakkut qaffasissuseqartillugit aningaasaliissutigineqartassapput, aatsitassarsiornermi isertitat nutaamik aaqqissuunneqarnerigut aningaasatigut nammineersinnaassuseqarneq annertusarneqassaaq. naalagaaffimmit akisussaaffiit nutaanik tigusisinnaalernissamik periarfissaqalissaagut, taamaaliornissallu nammineq aningaasatigut nammallugit pisinnaasarpullu naapertorlugu aaqqissuuttalissavagut.
Naalakkersuisut siulitaasuat Hans Enoksen namminersorneq pillugu isumalioqatigiissitap suliaata tunniunneqarnerani ullaaq taamat oqarpoq.
