Kalaallit inatsisaat kalaallit nunaanni atussapput

Namminersornerullutik Oqartussat illuutaannik pisortat politikerillu nuimasut akikinaaralutik illusiortorsimanerata misissuivigineqarnissaanut periutsit sakkullu suut atorneqassanersut Inuit Ataqatigiit Demokratillu assortuussutigaat. Demokratit oqarput danskit inatsisaat inatsisilerinermilu periusaat toqqammavigineqassasut. Inuit Ataqatigiit akerlerinngilaat misissuisoqarnissaa, inatsisilli kalaallit nunaanni atuuttut tunngavigineqassasut Kuupik Kleist oqarpoq. Kuupik Kleist oqarpoq misissuisoqassappat kalaallit nunaanni inatsisit periutsillu atuuttut kisiisa tunngavigalugit misissuisoqassasoq. – Eqqortuusinnaanngilaq danskit inatsisaat periusaallu atussagutsigit assigiinnassavaami afrikami nunat arlaata inatsisai atorigut. – Illusiortorsimanerup aamma inunnik ataasiakkaanik malersuissutinngorsimanera ajortitsiniutinngortissimaneralu kusanaappoq unitsittariaqarlunilu, Kuupik Kleist oqarpoq.

Kuupik Kleistip aamma ilimagaa Attartortumiit piginnittumut pillugu peqqussutip sukaternissaa misissuinerup kinguneranik pisariaqalersinnaasoq.