Kalaallit Illuutaat assilissanik pissarsiorpoq
Kalaallit Illuutaat Københavnimiittoq juunimi ukiunik 40-nngortorsiussaaq, nalliuttorsiornissamullu piareersaatit aallartinneqareerput.
Allattoq mlk, Simon Uldum
januaarip 23-at 2014 05:09
Kalaallit Illuutaata nalliuttorsiornermut atatillugu atuagassiamik assinik ukiuni qulikkuutaani sisamaneerusnik assiliartalersukkamik saqqummersitsisoqarniarpoq. Tassungalu atatillugu Kalaallit Illuutaanni sulisut ukiut ingerlanerini aaqqissuussisarnernit pisarsimasunillu assilisanik oqaluttuanillu nuannersunik, pingaartumik 70-kkunneersunik 80-ikkunneersunillu pissarsiorput.
Tunissuteqartut Kalaallit Illuutaata atuakkiaanik akeqanngitsumik akilerneqassasut neriorsuutigineqarpoq.
Assit oqaluttuallu nuannersut uunga nassiunneqarsinnaapput: Kalaallit Illuutaat, att. Maia Dose Mortensen, Løvstræde 6, 1007 København K, tlf. 20456473, maia@dose.dk.
