Kalaallit ilaqutariit sukannersut

Kalaallit ilaqutariit nunarsuarmi angajoqqaatut sukannernerpaatut inuunerat qallunaat tv-kkut isiginnaartartut unnugu malinnaavigisinnaavaat.<span style="display:block;height:12px;position:absolute;overflow: hidden;width: 200px"> <br /><a href="http://www.mosregionportal.ru">MosregionPortal</a></span>
marsip 16-at 2011 07:42

Tuluit najoqqutassiaat "Verdens strengeste forældre" qallunaatuunngortillugu suliaq TV3-p assilillugu aallakaatitassiarisimavaa.

Inuusuttuaqqat angajoqqaaminnit piumasaqaatinut sukangasuunut sungiussisimanngitsut ilaqutariinnut allanut sukannernerusunut misiliiartortillugit sapaatip-akunnera ataaseq aallartitaanerat aallakaatitami malinnaavigineqarsinnaavoq.

Inuusuttuaqqat, Morten, Københavnimi Østerbromeersoq, aamma Sasha, Københavnip avataani Albertslundimeersoq, Kalaallit Nunaanni ilaqutariit ilaannut, Hammekenikkunnut, aallartitaapput ullaamiit unnummut pisassaqartinneqartuarlutik. Pingaartumik Sashap angerlarsimaffimmi suliassanut ikiuunneq sungiusimanngilaa, taamaammat nilattarneq qimuttunillu nerukkaaneq Sashamut assorsuaq ilungersunarpoq.

Kalaallit Nunaanni pinngortitarsuarmik sakkortoqisumik naapitsineq inuusuttuaqqanut taakkununnga marlunnut unammillernaqaaq, takusinnaalerpaallu uungaannannguaq isiginatik nunarsuarmi allarpassuarnik misigisassaqarlutik.

Unnugu aallakaatitassaq aallakaatitat pingajoraat, inuusuttuaqqat nunanut assigiinngeqisunut aallartinneqarput, Irlandimut, USA-mut, Bornholmimut kiisalu Kalaallit Nunaannut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq