Kalaallit Hjørringimi naapeqatigiissapput
Danmarkimi kalaallit kattuffiat Inuit naapeqatigiinnissamik, kulturimik takutitsinertaqartussamik
aaqqissuisuuvoq.
- Ilaatigut Kalaallit Nunaanni assilisavut nutaanngitsut saqqummersissavavut, naatsorsuutigaarpullu inuit 200-t imaluunniit 300 -t takkunnissaat, Rimdal Thaarup Høegh aaqqissuussinermut akisussaasuusoq oqarpoq.
Erinarsoqatigiinneq, qilaatersorneq kalattuullu ingerlanneqassapput aamma akikitsumik akiliilluni unnuinissaq neqeroorutigineqarpoq.
Siorna Jyllandip kujataani Vardemi naapeqatigiittoqarpoq. Tassani inuit 300-t missaat peqataapput.
Aaqqissuussineq 80.000 koruuninik akeqartoq ilaatigut Nuna Fondimit aningaasaliiffigineqarpoq.